Google ADS

Vlorë, i vodhën mbi 8 mijë euro kambistit; arrestohen dy minorenë

16:27 | 21 Shtator 2018
Arbresh.info

Policia e Vlorës ka arrestuar dy minorenë, të cilët i vodhën me dhunë mbi 8000 euro një kambisti mbrëmjen e datës 16 shtator.

Rreth orës 20:30, në lagjen “Bashkimi” të Vlorës, 17-vjeçari me iniciale M.Gj. dhe 16-vjeçari me iniciale N.A. i kanë dalë përpara 34-vjeçarit A.L., i cili transportonte lekë nga një pikë e këmbimit valutor në pikën tjetër dhe i kanë vjedhur me forcë dhe dhunë çantën e krahut.

Arrestimi i të rinjve u bë në lagjen “24 Maji”. Gjatë kontrollit fizik dhe në banesat e tyre janë sekuestruar në cilësinë e provës materiale shumica e parave të vjedhura, në total 8 150 euro dhe çanta në të cilën ndodheshin lekët në momentin e vjedhjes./Top Channel

Shpërndaje në rrjete sociale

Lajmet më të lexuara

Të ngjashme

Foto lajm